Aquí tendes un enlace co programa FALAREDES da Secretaría Xeral de Política Lingüística con moitas actividades de cine, música, arte... Entrade e descubride a ampla oferta de actividades que se levan a cabo mediante máis de 200 sesións en 100 localidades galegas!! Picade en "enlace FALAREDES"
Xa estamos de volta das vacacións!!, con moitas gañas de aprender e con moitas novidades na nosa escola. Seguro que algunhas xa as coñecedes e outras moitas espéranvos ao longo deste curso!! Estade ben atentos e atentas...
A serie de televisión Os Bolechas arrinca con oito capítulos de seis minutos de duración que serán emitidos tres veces ao día a través da segunda canle da TVG, no marco do espazo infantil Xabarín Club. Os Bolechas, galegofalantes, son un referente para os cativos e cativas de Galicia, un modelo divertido que permite asociar a lingua galega a elementos positivos. Despois do éxito acadado coas súas historias en papel, debuxadas e escritas polo xenial Pepe Carreiro, entran nos fogares galegos tamén pola porta da televisión. Que o pasedes ben con eles!