XI Concurso fotográfico

Xa temos gañadores/as na  XI edición do cuncurso de fotografía creativa. Noraboa a Indira e Elizabeth (de 5º e 4º de primaria), a Aldara (de 3º primaria) e a Pedro Gómez de 2º. 

Grazas familias pola vosa participación

.

VIII Faro da escola

Un ano máis temos a sorte de publicar o noso Faro da Escola, con este xa levamos 8 anos publicando as nosas noticias. 

O Faro da Escola para o noso cole é moito maís que un periódico, é un medio onde poder expresar e compartir as nosas experiencias, inquedanzas, opinións....

Moitas grazas ao Faro de Vigo por promover esta iniciativa tan enriquecedora e gratificante.

Preme na imaxe se queres ler o xornal  

                         

Andainas- Letras Galegas

 O martes 16 de maio, coincidindo coa celebración do Día das Letras Galegas, a escola de Chans realizou as "Andainas por Bembrive". Todas as aulas foron dende a escola ata o Torreiro de Bembrive por diferentes roteiros. Alí xuntámonos todos e todas  para merendar e festexar o día das nosas letras cun pequeno acto público en homenaxe ao escritor 

Francisco Fernández del Riego.

Programa:

Así festexamos as letras galegas: cantando, bailando recordando a importancia que ten a lingua para nós!

Maios 2023

 Aí vén o Maio... do alumnado de 3º B

Nenos e nenas de Chans

Prestade moita atención.

O  noso maio os presentamos

Mirádeo,  mola un montón.

  

Mirádeo,  mola un montón.

aquí chega o noso maio

de  moitas flores cuberto

que fixemos con moito amor.

 

Que fixemos con moito amor.

neste mes tan bonito

Da primavera que xa chegou

Aos nosos floridos xardíns.

  

Aos nosos floridos xardíns.

A primavera chegou

E agora ímonos  a  xantar

Que xa é  hora de merendar.

   

Letras Galegas 2023

 A 60 edición da celebración do Día das letras galegas rendirá homenaxe á figura de Francisco Fernández del Riego. 

Podedes achegarvos a unha grande variedade de recursos premendo na imaxe:

Biografía Francisco Fernández del Riego

Biografía de Francisco Fernández del Riego contada 

polo alumnado de 2ºA

Palabras fermosas para non esquecer

 Para demostar a riqueza que temos na nosa lingua, deixámosvos un exemplo de "palabras fermosas para non esquecer" escollidas por vós, as familias que quixéstedes participar. Moitas grazas por valorar e sentir que o galego é fermoso. Falemos, respectemos, coidemos e defendamos a lingua galega!! 
Premede na imaxe:

Biografía musical: Francisco Fernández del Riego

Letra de Ana García

Xornada de convivencia cos alumnado dos centros adscritos ao IES Carlos Casares

O día 25 de abril o alumnado de 6º gozou dun día de convivencia cos nenos e nenas do CEIP Santa Mariña, o CEIP Carballal Cabral e o CEIP de Candeán, os centros adscritos ao IES Carlos Casares. Foi unha xornada moi completa con xogos cooperativos, roteiro pola senda do Eifonso e xantar na alameda de Bembrive.

O mellor invento, o libro

Na semana do libro pódese visitar na biblioteca a exposición “O libro, o mellor invento do mundo”, realizada coa axuda do alumnado de 3ºB e o alumnado colaborador da biblioteca. Un percorrido pola evolución do libro, dende as táboas de arxila ata o “e-reader”.

Día da poesía - primavera 2023

 O 21 de marzo  celebramos o día da poesía e a chegada da primavera nun acto conxunto nos xardíns da escola. Cantamos á primavera, e inauguramos os nosos hortos con pareados escritos nunha táboa, que unha vez decorada colocámola  adornando os nosos bancais: "a horta desta escola é a horta que máis mola"

Día da muller 2023

O 8 de marzo, día internacional da muller, a escola de Chans tinxiuse de morado para  reivindicar que todas as mulleres do mundo  sexamos libres, felices e  ben valoradas 

Ogallá que este muro de igualdade que simbólicamente comezamos a construír , continúe medrando día a día. 

Podedes ver imaxes do acto "Construíndo igualdade" premendo na imaxe:

Día de Rosalía 2023

 O día 24 de febreiro, rendémoslle homenaxe á Rosalía de Castro, figura fundamental da cultura galega cun pequeno acto no que os nenos e nenas de 2º primaria nos achegaaron á vida desta escritora e ao poema "Adiós ríos, adiós fontes".

 Preme na imaxe:

Entroido 2023

Iniciamos a semana do Entroido co meco 

O 17 de febreiro celebramos o desfile do Entroido. A Comunidade educativa gozou da música, das comparsas  e da troula  do entroido temático: "Vai de inventos". Preme no vídeo.

Capaz coa paz

 O día 30 de xaneiro, día internacional da paz e non violencia, xuntámonos no patio para celebrar un acto conxunto baixo o lema: "Capaz coa paz".

Aquí están as distintas actividades que realizamos:

Bailamos no patio tod@s xunt@s a canción "Capaz coa paz". 
Preme na imaxe par poder velo:

Na árbore de madeira expoñemos as nosas escolas pola paz

Preme na imaxe para velo mellor:

Almanaque 2023

Queremos desexarvos un feliz ano 2023 e presentarvos o noso almanaque 2023.

Este ano "Vai de inventos".... 

Preme na imaxe para poder ver o almanaque completo

Nadal 2022

Queremos agradecer ás nosas familias que puideran contactar co Apalpador e conseguir que fixera unha paradiña no noso cole a pesar de todo o traballo que ten nestes días previos ao Nadal.

Grazas polo voso compromiso coa escola!

Bo Nadal!!

Preme na imaxe

I Feira de Nadal

Queremos invitar a tódalas familias á

I Feira de Nadal o 22 de decembro 2022

            

Abre a fiestra en contra da violencia de xénero

En Chans sumámonos á loita contra a violencia de xénero. Queremos abrir a fiestra en contra da violencia de xénero

NON é NON!!

Magosto 2022

 O pasado 11 de novembro celebramos o Magosto na nosa marabillosa contorna.

 Pasámolo xenial!